പ്രണയം

അനാദിയില്‍ പ്രണയമൊരു ശൂന്യതയായിരുന്നു
പിന്നെ പ്രാര്‍ത്ഥിച്ചു പ്രാര്‍ത്ഥിച്ചു അണുവായി
ഒരു പരാഗ രേണു വായി
ഒരു കുരുവായി മുളയായി ചെടിയായി മരമായി
പൂവായി കായായി വീണ്ടുമൊരു ബിന്ദുവായ്‌
കാറ്റായി കരയായി കടലുമായി
ഒരു മണല്‍ തരിയില്‍ മൌനമായിരുന്നു
പിന്നെയും ജീവനായ് മത്സ്യമായ് കൂര്‍മമായ്
പന്നിയായ് പട്ടിയായ് പാമ്ബായി
പാതി മനുഷ്യനായ് പാമാരനായ് പന്റിതനായ്
മായയായ് മന്ത്രമായ് മനുവായി മാറി
പിന്നെയും മോഹമായ് കാമമായ് ക്രോധമായ്
മഴയായ് മഞ്ഞായ്‌ മലരിന്റെ മന മായി
മാഞ്ഞു പോയ മനസ്സായി
മാറ്റങ്ങള്‍ മാറ്റൊലി കൊണ്ട മന്വന്തരങ്ങലായ്
അറിവായി നിറവായി നീറുന്ന ഓര്‍മയായ്‌
മരണമായോടുവില്‍ മണ്ണായി മാറി .

സമയം

ഭാര്യ പറഞ്ഞു
ഒന്നു ബ്യൂട്ടി പാര്‍ലറില്‍ പോയിട്ട് എത്രയായി
മകന്‍ പറഞ്ഞു
ഹാരി പോര്‍ട്ടര്‍ കാണാനും കൂടി തികയുന്നില്ല
അച്ഛന്‍ പറഞ്ഞു
മകളെ കണ്ടിട്ട് ഒരുപാടയത് പോലെ
അമ്മ പറഞ്ഞു
ഇന്നലെ മാനസപുത്രി പോലും കണ്ടില്ല
സുഹൃത്ത് പറയുന്നു
ഒന്നു കൂടിയിട്ടു എത്ര നാളായി
ഓഫീസര്‍ പറഞ്ഞു
ഇന്നും ബാട്മിന്‍ടണ്‍ മുടങ്ങി
കാമുകി
ഇപ്പൊ എന്നോട് പഴയ ഇഷ്ടമില്ല
നായ കുരക്ക്കുന്നു
ഒന്നു കുളിച്ചിട്ടു കുറെ ആയി ആശാനെ
നിങ്ങളെല്ലാം ക്യൂവില്‍ നിന്നോളൂ
ഞാന്‍ സമയവുമായി ഉടനെ വരാം !